Акафист блаженной Матроне Московской: самая сильная молитва для женщин

Акафист святой матушке Матронушке, как любя называют блаженную матушку православные москвичи, как и все религиозные гимны этого жанра, состоит из двенадцати ирмосов (длинных припевов, в тексте которых часто повторяется слово «радуйся») и двенадцати кондаков (коротких припевов, содержащих описание самых значимых событий в житии преподобной).

Заканчивается акафист молитвой и тропарем святой Матроне, читать которые при нехватке времени можно и отдельно от акафиста. Известно, что при жизни к матушке шли люди с самыми разнообразными бедами, если нужна была молитва или совет, и она принимала всех, несмотря на серьезные проблемы со здоровьем. Но более всего почитается Матрона как помощница девушкам, желающим выйти замуж.

Акафист и тропарь Матроне Московской: молитвы о замужестве, о любви, о беременности

Жизнеописание св Матроны повествует верующим о том, что матушка сама перед своей блаженной кончиной заповедала приходить к ней на могилку и просить помощи в любых жизненных обстоятельствах. Помимо этого, праведная Матронушка завещала молиться об упокоении ее души перед кануном (прямоугольный подсвечник, на который принято ставить свечи за упокой близких).

Православный акафист святой блаженной Матроне Московской был написан уже после ее канонизации, и сегодня верующие, спешащие поклониться мощам матушки, стараются обязательно прочитать его.

Читать акафист св. Матронушке можно и дома: замечено, что она особенно помогает девицам, отчаявшимся найти хорошего, благочестивого жениха, и женщинам, которые не могут забеременеть.

Помощь от акафиста святой Матроне Московской

На специализированных сайтах, посвященных житию блаженной матушки, можно прочитать множество отзывов людей, которым святая помогла справиться с различными бедами. Часто читающие акафист Матронушке пишут, что блаженная помогла решить квартирный вопрос, найти работу, решить трудности материального характера. Другим матушка вымолила исцеление, третьим – подсказала правильный жизненный путь.

Читать акафист святой Матроне Московской можно во время утреннего и вечернего правила, или же отдельно, предваряя его в этом случае предначинательными молитвами, которые без труда можно найти в любом молитвослове. Память блаженной Матроны отмечается 2 мая.

 Слушать на видео акафист святой блаженной праведной  Матроне Московской

Христианский текст акафиста блаженной Матроне Московской 

Кондак 1

Избранная Духом Божиим от пелен младенческих, блаженная старице Матроно, слепоту и немощь телесную ко очищению духовному от Бога приявшая, даром прозрения и чудес обогатилася еси и венцем нетленным от Господа украсилася еси. Сего ради и мы благодарне венец похвальный приносим ти, вопиюще: Радуйся, праведная мати Матроно, теплая о нас к Богу молитвеннице.

 

Икос 1

Ангел во плоти явилася еси на земли, Матроно блаженная, исполняющи волю Божию. Аще рождество твое в слепоте телесней бысть, но Господь, умудряяй слепцы и любяй праведныя, просвети духовнеи очи твои, да послужеши людем и дела Божии явятся чрез тебе. Мы же с любовию вопием ти таковая:

Радуйся, от младенчества Богом избранная; Радуйся, благодатию Духа Святаго от пелен осененная.

Радуйся, даром чудес измлада обогащенная; Радуйся, премудростию от Бога свыше исполненная.

Радуйся, мысленныма очима волю Божию прозирающая; Радуйся, слепотствующих умом мудрецов века сего посрамляющая.

Радуйся, души заблуждшия к Богу приводящая; Радуйся, скорби и печали утоляющая.

Радуйся, праведная мати Матроно, теплая о нас к Богу молитвеннице.

 

Кондак 2

Видяще людие и иерей, егда крещаше тя, блаженная, чудный столп облачный над главою твоею и обонявше благоухание велие, дивляхуся, что убо сия отроковица будет, поюще Богу: Аллилуиа.

 

Икос 2

Разум имея просвещенный, иерей Божий Василий позна, яко крещаемая от него сосуд благодати Божия есть, и тя, праведная Матроно, отроковицу святу нарече. От нашего же усердия приносим ти похвалы сия:

Радуйся, во святей купели благодатию Святаго Духа облагауханная; Радуйся, на персех твоих крест запечатленный имевшая.

Радуйся, молитвеннице, от Бога людем дарованная; Радуйся, свеще неугасимая, пред Господем сияющая.

Радуйся, даром чудотворения от Бога прославленная на земли; Радуйся, венцем неувядаемым от Господа увенчанная на небеси.

Радуйся, милости Божия грешным возвещающая; Радуйся, от источника воды живыя жаждущия напаяющая.

Радуйся, праведная мати Матроно, теплая о нас к Богу молитвеннице.

 

Кондак 3

Силу Божия благодати ощущающи, еще во младенчестве сущи, Матроно блаженная, ко иконам святым устремлялася еси, и чистым сердцем и младенческими усты хвалу Богу возглашала еси: Аллилуиа.

 

Икос 3

Имущи от Бога дар прозрения издетска, блаженная мати, сокровенная сердец приходящих к тебе ведущи, и оным будущая, яко настоящая сказующи, многия люди на путь благочестия направляла еси. Темже прославляюще Бога, умудряющаго слепцы, вопием тебе сице:

Радуйся, дивная провидице; Радуйся, сокровенных грехов обличительнице.

Радуйся, помраченных душею пресветлая наставнице; Радуйся, заблуждших милостивая путеводительнице.

Радуйся, звездо, верным путь указующая; Радуйся, свеще, во тьме века сего светящая.

Радуйся, единому Богу послужившая; Радуйся, козни диавольския благодатию Духа Святаго поправшая.

Радуйся, праведная мати Матроно, теплая о нас к Богу молитвеннице.

 

Кондак 4

Буря недоумения и смятения о чудесех твоих в людех развеяся, мати блаженная, и тии, вразумившу их Господу, дивному во святых Своих, прославиша и восхвалиша тя, Богу же с благодарением воспеша: Аллилуиа.

 

Икос 4

Слышавше людие, мати Матроно, яко помощь в недузех душевных и телесных подаеши, прихождаху к тебе со упованием, и, совет благоприятен и исцеление получивше, благодаряще Бога, воспеваху тебе:

Радуйся, яко болезнующих и страждующих душею приемлеши; Радуйся, яко мир душам скорбящим даруеши.

Радуйся, в заблуждениих сущих вразумительнице; Радуйся, благочестия учительнице.

Радуйся, печалей наших утолительнице; Радуйся, в скорбех утешительнице.

Радуйся, благая безсребреице; Радуйся, недугов всячеких безмездная врачевательнице.

Радуйся, праведная мати Матроно, теплая о нас к Богу молитвеннице.

 

Кондак 5

Боготечная звезда возсияла еси, мати блаженная Матроно, во дни лихолетия во Отечествии нашем, яко новая исповедница, иго Христово дерзновенно и безбоязненно чрез все житие пронесла еси, и благодатиею Божиею укрепляема, подавала еси недоумевающим вразумление, страждующим ослабу, больным исцеление, благодарственно зовущим Богу: Аллилуиа.

 

Икос 5

Видяще мнози Российстии людие чудеса и исцеления, Божиею благодатиею от тебе подаваемая: хромым – хождение, разслабленным и на одре лежащим – исцеление, беснующимся – духов злобы отгнание, устремишася к тебе, мати, яко к источнику неисчерпаемому, от него же испивше обильно, умиленным сердцем возопиша тебе таковая:

Радуйся, на путь правый от младенчества призванная; Радуйся, праведнице, от Бога нам дарованная.

Радуйся, целительнице, недуги наша исцеляющая; Радуйся, в нуждах наших скоро помогающая.

Радуйся, душеполезными советы нас вразумляющая; Радуйся, недоумения наша скоро разрешающая.

Радуйся, духи нечистыя от человек отгоняющая; Радуйся, от всякого зла молитвою твоею ограждающая.

Радуйся, праведная мати Матроно, теплая о нас к Богу молитвеннице.

 

Кондак 6

Провозвестник святости и праведности жития твоего, блаженная мати, явися святый и праведный отец Иоанн Кронштадтский, егда узре тя во храме и наименова тя свою преемницу таже и осмый столп России. Вси же, слышавше сие, прославиша Господа, возглашающе Ему песнь: Аллилуиа.

 

Икос 6

Возсия молитвами твоими, мати Матроно, свет благодати Божия в сердцах, не ведущих Бога и грехми многими прогневляющих Его. Тии же, видяще чудеса, тобою совершаемая, обращахуся ко Господу, ублажающе тя сице:

Радуйся, подвиги твоими Бога прославляющая; Радуйся, славу Божию нам являющая.

Радуйся, неверныя на путь правый наставляющая; Радуйся, грехми оскверненныя молитвами твоими очищающая.

Радуйся, к покаянию нас призывающая; Радуйся, за вся благодарити Господа нас вразумляющая.

Радуйся, храм Божий любити нас научающая; Радуйся, во ограду церковную расточенныя овцы собирающая.

Радуйся, праведная мати Матроно, теплая о нас к Богу молитвеннице.

 

Кондак 7

Хотящи Пресвятую Владычицу нашу Богородицу достойно ублажити, мати Матроно, повелела еси людем написати всечестный образ Ея, «Взыскание погибших» именуемый и в храме Божием веси твоея водворити, да вси взирающе на светлый лик Пречистыя, со умилением восхвалят Ю, Господу же возопиют: Аллилуиа.

 

Икос 7

Новую тя заступницу, молитвенницу и ходатаицу к Богу дарова Господь в годину тяжкую людем Российским, мнози бо отпадаху от Святыя Церкве, ты же, мати, маловерныя и заблуждшия наставляла еси словом и делом, являющи дивная чудеса Божия. Темже воспеваем ти сице:

Радуйся, страны нашея Российския неусыпная печальнице; Радуйся, спасения нашего ходатаице.

Радуйся, Бога, Судии праведнаго, умилостивительнице; Радуйся, недужных и обидимых покровительнице.

Радуйся, немощных и безнадежных помощнице; Радуйся, противу духов злобы непрестанная воительнице.

Радуйся, яко трепещут тя князи бесовстии; Радуйся, яко радуются о тебе ангелы и человецы.

Радуйся, праведная мати Матроно, теплая о нас к Богу молитвеннице.

 

Кондак 8

Странно маловерным и неразумным бысть, како слепорожденная видети и ведети может не точию настоящая, но и будущая, не ведяху бо силы Божия, в немощи человечестей совершаемыя. Мы же, блаженная мати, премудрость Божию, в тебе явленную зряще, вопием Богу: Аллилуиа.

 

Икос 8

Всяческия досаждения и обиды, изгнания и укорения претерпела еси, блаженная мати, не сетующи о сем, но за вся благодарящи Бога. Сим же и нас научаеши терпеливно нести крест свой, тебе же благохвалити тако:

Радуйся, в молитве непрестанно пребывавшая; Радуйся, духов злобы постом и молитвою отгнавшая.

Радуйся, мир благодатный стяжавшая; Радуйся, любовию твоею многия окрест тебе спасавшая.

Радуйся, житием твоим изрядно людем послужившая; Радуйся, и по кончине твоей людем непрестанно помогающая.

Радуйся, и ныне нашим прошением тепле внимающая; Радуйся, уповающих на помощь твою не оставляющая.

Радуйся, праведная мати Матроно, теплая о нас к Богу молитвеннице.

 

Кондак 9

Всякия скорби и болезни аще и претерпела еси, мати Матроно, непрестанно ведущи брань с силами тьмы, обличающи козни и коварства их, и изгоняющи бесы от одержимых, обаче до кончины дний твоих помогала еси страждующим, недугующим и скорбящим, присно поющи Богу: Аллилуиа.

 

Икос 9

Ветии многовещаннии не возмогут достойно прославити святое житие твое и чудеса, силою Божиею тобою творимая, предивная старице. Мы же, хотяще псаломски хвалити Бога во святых Его и подвизаемии сердечною любовию, дерзаем пети тебе таковая:

Радуйся, узкий путь и тесная врата избравшая; Радуйся, добродетельми многими просиявшая.

Радуйся, вся тленная в житии твоем отвергшая; Радуйся, смирением, яко венцем драгим, украшенная.

Радуйся, евангельски, яко птица небесная, на земли пожившая; Радуйся, Сыну Божию, не имевшему, где главу подклонити, последовавшая.

Радуйся, ныне во обителех райских веселящаяся; Радуйся, и нас, грешных, молящихся тебе, милостию твоею не оставляющая.

Радуйся, праведная мати Матроно, теплая о нас к Богу молитвеннице.

 

Кондак 10

Спасти хотящи многия люди от страданий телесных и душевных недуг, всенощно пребывала еси, праведнице Божия, в молитве, просящи им помощи и укрепления от Господа нашего Иисуса Христа, поющи Ему: Аллилуиа.

 

Икос 10

Стена и покров была еси во дни жития твоего, блаженная мати, всем к тебе прибегающим, и по смерти не престаеши ходатайствовати пред Богом о людех, с верою притекающих ко гробу твоему. Темже убо, услыши ныне и нас, грешных, скорбьми, болезньми и многими печальми одержимых и потщися на помощь твоими молитвами, всем, к тебе вопиющим:

Радуйся, обидимых скорая предстательнице; Радуйся, терпящих лишения утешительнице.

Радуйся, честнаго супружества охранение; Радуйся, всех, во вражде сущих, умирение.

Радуйся, неправо на суд влекомых защитительнице; Радуйся, и о виновных пред судом земным к Богу милостивая ходатаице.

Радуйся, лишившихся крова пристанище; Радуйся, о всех к тебе взывающих, заступнице.

Радуйся, праведная мати Матроно, теплая о нас к Богу молитвеннице.

 

Кондак 11

Пение ангельское слышала еси, мати честная Матроно, еще на земли живущи. Научи и нас, недостойных, како подобает славити Бога, в Троице почитаемаго, Отца и Сына и Святаго Духа, Ему же непрестанно воинства небесная велегласно воспевают: Аллилуиа.

 

Икос 11

Светозарным светом сияет житие твое, блаженная Матроно, освещая мрак многосуетнаго мира сего, и влечет к себе души наша: яко да и мы лучею благодати Божия озаримся и скорбный путь привременныя жизни богоугодно пройдем и Царствия Божия достигнем, идеже ты, мати, ныне вселилася еси, слышащи глас наш, тебе зовущих:

Радуйся, свеще Божия, присно горящая; Радуйся, бисере честный, блистанием святыни твоея нас озаряющий.

Радуйся, цвете благовонный, Духом Святым нас облагоухающий; Радуйся, каменю веры, малодушныя в благочестии утверждающий.

Радуйся, звездо пресветлая, правый путь нам указующая; Радуйся, добрая воительнице Христова, мечем молитвы демонския полки устрашающая.

Радуйся, яко все житие твое свято и непорочно; Радуйся, яко и смерть твоя пред Господем честна.

Радуйся, праведная мати Матроно, теплая о нас к Богу молитвеннице.

 

Кондак 12

Благодать Божию обильно еще от пелен восприяла еси, мати блаженная, яже выну пребысть с тобою по вся дни жизни. Веруем несумненно, яко и по успении твоем благодать сия пребогатно пребывает с тобою. Сего ради припадающе молимся: не лиши и нас, еще странствующих на земли, помощи твоея и заступления, просящи Господа помиловати всех, поющих Ему: Аллилуиа.

 

Икос 12

Поюще многая и дивная твоя чудеса, мати Матроно, восхваляем Бога, даровавшаго граду Москве и Отечеству нашему во дни безбожия и гонения тя, непоколебимый столп благочестия и веры. Ныне же, блаженная мати, благодарным сердцем воспеваем тебе сице:

Радуйся, мир Христов в душе твоей стяжавшая; Радуйся, сего ради многая люди окрест тебе к Богу приведшая.

Радуйся, в немощном теле сущи, силу Божия благодати показавшая; Радуйся, во обретении честных мощей твоих Божию милость нам явившая.

Радуйся, сонма святых Московских изрядное процветение; Радуйся, града Москвы преславное украшение.

Радуйся, Отечества нашего присная пред Богом печальнице. Радуйся, к покаянию и молитве о земли Российстей всех призывающая.

Радуйся, праведная мати Матроно, теплая о нас к Богу молитвеннице.

 

Кондак 13

О блаженная мати, услыши ныне воспеваемое тебе хвалебное пение и испроси нам у Господа Иисуса Христа грехов оставление, христианския мирныя кончины и добраго ответа на страшном судищи Его, да и мы с тобою сподобимся в селениих райских славити Святую Троицу, вопиюще: Аллилуиа.

/Этот кондак читается три раза, затем икос 1-й и кондак 1-й/

 Слушать на видео святую молитву  Матроне Московской

Читать текст молитвы православной святой Матроне Московской

О блаженная мати Матроно, душею на небеси пред Престолом Божиим предстоящи, телом же на земли почивающи, и данною ти свыше благодатию различные чудеса источающи. Призри ныне милостивным твоим оком на ны, грешныя, в скорбех, болезнех и греховных искушениих дни своя иждивающия, утеши ны, отчаянныя, исцели недуги наши лютыя, от Бога нам по грехом нашим попущаемыя, избави нас от многих бед и обстояний, умоли Господа нашего Иисуса Христа простити нам все наши согрешения, беззакония и грехопадения, имиже мы от юности нашея даже до настоящего дне и часа согрешихом, да твоими молитвами получивше благодать и велию милость, прославим в Троице Единого Бога, Отца, и Сына, и Святаго Духа, ныне и присно и во веки веков. Аминь. 

Текст тропаря святой Матроне Московской,

глас 2

Богом умудренную блаженную старицу Матрону, земли Тульския процветение и града Москвы преславное украшение, восхвалим днесь, вернии. Сия бо, света дневнаго не познавши, светом Христовым просветися и даром прозрения и исцеления обогатися. Пресельница же и странница на земли бывши, ныне в чертозех Небесных Престолу Божию предстоит и молится о душах наших.

Кондак, глас 7

К служению Христову от чрева матерня предъизбранная, праведная Матроно, стезе скорбей и печалей шествующи, твердую веру и благочестие явивши, Богу угодила еси. Темже, почитающе память твою, молим тя: помози и нам в любви Божии пребывати, старице блаженная.

Величание

Величаем тя, святая праведная блаженная Матроно, и чтим святую память твою, ты бо молиши о нас Христа Бога нашего.