Православный акафист Божией Матери Избавительница от бед: исцеляющая молитва

Старинное русское православное предание гласит, что икона Богородицы Избавительница от бед, текст акафиста которой описывает чудотворения, происходившие по молитве у этой святой иконы, помогает всем, приходящим к ней, избавиться даже от самых, казалось бы, неизлечимых болезней. Считается, что не существует таких заболеваний, исцеление от которых было бы неподвластно молитвам перед иконой Избавительница от бед Пречистой Матери Господа Нашего Иисуса Христа, и акафист читают все, потерявшие надежду получить спасение от земных врачей. Этот торжественный гимн не только восхваляет Богоматерь, но и описывает обстоятельства прославления Ее чудотворного образа, а также то, как он попал в Россию.

Молитва Богородице Избавительнице от бед страждущих помогает в разных житейских скорбях

История Богородичной иконы Избавительница от бед, молитва которой входит в состав практически любой книги акафистов, начинается в 1841 году. В тот период святой образ принадлежал бывшему насельнику одного из афонских монастырей иноку Мартиниану. Местность, в которой он жил, внезапно подверглась нашествию саранчи, и избавиться от него помогла лишь молитва перед образом Избавительницы. Этот случай прославил икону на всю провинцию, и к старцу начали приходить паломники.

В тексте акафиста Божьей Матери Избавительница от бед говорится о том, что Мартиниан, не привыкший к такому огромному количеству посетителей, желавших помолиться перед чудотворным образом, не выдержал и вернулся на Афон, забрав икону Богоматери с собой.

Читать молитву Богородицы Избавительнице от бед можно также при унынии и отчаянии

Акафист Божьей Матери Избавительница от бед повествует, что перед смертью Мартиниан завещал передать икону в российский Ново-Афонский монастырь. История свидетельствует, что однажды после службы в честь этого чудотворного образа, которая проводилась в Симоно-Кананитской обители, на берег моря рядом с монастырем было выброшено огромное количество рыбы.

Помощь от православной молитвы Пресвятой Богородице Избавительнице от бед получила и семья императора Александра III, уцелевшая во время железнодорожной катастрофы. В честь именно этого чудесного спасения и было установлено празднование образа, ежегодно отмечаемое 30 октября.

 Слушать на видео молитву Богородице Избавительнице от бед

Читать текст молитвы Божьей Матери Избавительнице от бед

О Мати Божия, помоще наша и защито, присно буди нам Избавительница, на Тя бо уповаем и всегда вседушно Тя призываем, умилосердися и помози, пожалей и избави, приклони ухо Твое и наша скорбныя и слезныя молитвы приими, и якоже хощеши успокой и обрадуй нас, любящих Твоего возлюбленнаго Сына, Емуже слава, честь и поклонение, со Отцем и Святым Духом, во веки веков. Аминь.

Христианский текст акафиста Пресвятой Богородице перед иконой Избавительница от бед 

Кондак 1

Возбрани врагом нашим озлобляти нас и от Господа нашего отлучати конечне и научи нас пети Тебе, Богородице, весело:

Радуйся, от горя, бед и гибели спасающая нас, бедствующих Избавительнице.

Икос 1

Ангелов множество по Твоему, Мати наша, повелению ополчаются на избавление наше грозно, Ты же приими молитву сию:

Радуйся, ангелов на спасение наше посылающая; радуйся, Царице горних чинов, небесную их помощь нам дарующая.

Радуйся, ангелом хранити нас повелевающая; радуйся, воинством ангельским врагов наших поражающая.

Радуйся, от горя, бед и гибели спасающая нас, бедствующих Избавительнице.

Кондак 2

Видят бедствующии толикую и многую помощь Твою сердечно Тя призывающим и наставляются тем пети Сыну Твоему непрестанно: Аллилуиа.

Икос 2

Разумеют мнози, яко мирови Тя дарова Сын Твой Избавительницу бедствующим, темже поем Тя сице:

Радуйся, бедствующих Мати; радуйся, страждущих утешение.

Радуйся, болящих исцеление; радуйся, ненадежных надеждо.

Радуйся, от горя, бед и гибели спасающая нас, бедствующих Избавительнице.

Кондак 3

Сила Вышняго даровася Ти на помощь и спасение миру и нас, в бедах погибающих. И кто Тобою не избавлен бысть, и кто не поет Сыну Твоему: Аллилуиа.

Икос 3

Имущи непостижимую любовь к роду человечу, кая воздыхания не прияла еси, кия слезы не отерла еси, и кого не принудила еси призывати Тя? Темже приими от нас похвалы сия:

Радуйся, бедствующих скорое услышание; радуйся, погибающих известное спасение.

Радуйся, печальных и скорбных утешение; радуйся, плененных свобождение.

Радуйся, от горя, бед и гибели спасающая нас, бедствующих Избавительнице.

Кондак 4

Буря несчастий налете на ны, спаси убо нас погибающих, спаси, Избавительнице наша, бурю погибельную на земли Укротившаго показующая нам и приемлющаго нашу песнь: Аллилуиа.

Икос 4

Слышаша человечестии роди всю Твою к Христианом дивную любовь и Твое мощное избавление их от всяких находящих на них лютых, научишася пети Тебе:

Радуйся, человеческаго рода от бед избавление; радуйся, бурь житейских прекращение.

Радуйся, уныния прогонительнице; радуйся, радости по скорби нам подательнице.

Радуйся, от горя, бед и гибели спасающая нас, бедствующих Избавительнице.

Кондак 5

Боготечней звезде подобящися, мрак и темноту в грехолюбивых сердцах разгоняеши, да во свете Твоея любве узрят Господа и воспоют Ему: Аллилуиа.

Икос 5

Видеша людие российстии Твое не чаянное от многоразличных бед избавление, радостно поют Тебе сице:

Радуйся, в бедах наша помощнице; радуйся, скорбей наших отъятие.

Радуйся, печалей наших отгнание; радуйся, в скорбех наших утешение.

Радуйся, от горя, бед и гибели спасающая нас, бедствующих Избавительнице.

Кондак 6

Проповедуют помощь Твою и любовь Твою, Мати, исцеленнии, утешеннии, обрадованнии и спасеннии Тобою от бед и поют Твоему высокодержавному Сыну: Аллилуиа.

Икос 6

Возсия нам свет спасения во мгле погибели, окружившей нас, и настави пети Тебе, Владычице:

Радуйся, мрак душ наших просвещающая; радуйся, тьму греховную потребляющая.

Радуйся, светом радости души ободряющая; радуйся, мглу греха разгоняющая.

Радуйся, от горя, бед и гибели спасающая нас, бедствующих Избавительнице.

Кондак 7

Хотящим нам конечному отчаянию предатися, отвсюду бедам належащим, помыслихом о Тебе, Избавительнице, и ободрихомся, и утешихомся, поюще Сыну Твоему: Аллилуиа.

Икос 7

Новую и нежданную показала еси нам милость Свою, под державную руку Твою нас восприимши, и отвсюду вопием Ти, Богородице:

Радуйся, Царице державная: радуйся, и нас под Твою державу восприявшая.

Радуйся, защиту Твою нам даровавшая; радуйся, врагов наших поразившая.

Радуйся, от горя, бед и гибели спасающая нас, бедствующих Избавительнице.

Кондак 8

Странное чудо: на погибель обреченнии и в нуждах томящиися безчисленных, внезапу спасение и избавление получают от Тебе, поюще Богу: Аллилуиа.

Икос 8

Вси сущии во мраце скорбей, вси обуреваемии несчастий бурею, приидите к доброму пристанищу и нашему поможению, покрову Девы Избавительницы, вопиюще Ей:

Радуйся, радостей источниче; радуйся, печалей прогнание.

Радуйся, бед избавление; радуйся, всяческаго покоя подательнице.

Радуйся, от горя, бед и гибели спасающая нас, бедствующих Избавительнице.

Кондак 9

Все существо человеческое хвалит Тя, вси воспевают Тя, многоразличное избавление им несущую, вместо печалей радость подающую поющим Сыну Твоему и Богу: Аллилуиа.

Икос 9

Витии многоумнии обезумеша, видяще Твое скорое чудесное от бед страждущих избавление, и умолкоша, нам поющим Ти:

Радуйся, чудесы мир удивившая; радуйся, чудесы нас укрепившая.

Радуйся, безбожие чудесами истребившая; радуйся, врагов силою Божиею посрамившая.

Радуйся, от горя, бед и гибели спасающая нас, бедствующих Избавительнице.

Кондак 10

Спасти хотя всяку душу человечу, всею любовию печешися о ней, дондеже научиши ю пети Сыну Твоему: Аллилуиа.

Икос 10

Стеною мир христианский хранящая и всяку душу от врагов ограждающая явися икона Твоя, Избавительнице, в мире православном и чудесы прославися, Тебе людем Божиим воспевающим:

Радуйся, наставнице наша; радуйся, Избавительнице наша.

Радуйся, веселие наше; радуйся, вечная радосте наша.

Радуйся, от горя, бед и гибели спасающая нас, бедствующих Избавительнице.

Кондак 11

Пение непрестанно приносим Ти, Владычице, Тобою избавленнии и Тобою паки радость обретшии и Божественному Сыну Твоему поющии радостно: Аллилуиа.

Икос 11

Светосияющим светилом лучезарным во мраце греха явися нам икона Твоя, Избавительнице, наставляющая нас пети Тебе:

Радуйся, от глада нас избавляющая; радуйся, вредоносящее естество от растений отгоняющая.

Радуйся, посевы и леса и все растущее от погибели спасающая; радуйся, земледельцев скорбящих утешение и труда их благословение.

Радуйся, от горя, бед и гибели спасающая нас, бедствующих Избавительнице.

Кондак 12

Благодать от иконы Твоея, Избавительнице, текущая, исцелений струи подающая и сердца веселием оживляющая, побуждает всех волею пети, Мати, Сыну Твоему и Богу: Аллилуиа.

Икос 12

Воспеваем исцеления, от святыя иконы Твоея бываемая, воспеваем наипаче воскресение Анастасия отрока и воспевающе поем:

Радуйся, мертвых воскрешающая; радуйся, умершия сердца оживляющая.

Радуйся, от смерти и вечнаго огня изымающая; радуйся, посмертное наше упование и защито.

Радуйся, от горя, бед и гибели спасающая нас, бедствующих Избавительнице.

Кондак 13

О всепетая, вселюбимая наша Мати! Умилосердися ныне и помилуй, в лютых и безысходных сущих нас скорбех избавляющи, научи нас сердечно воспевати Богу, прощающему нас: Аллилуиа.

/Этот кондак читается три раза, затем 1-й икос и 1-й кондак/

 

Тропарь Божьей Матери Избавительнице от бед,

глас 4

Яко пресветлая звезда, просия Божественными чудесы святой образ Твой, Избавительнице, лучами благодати и милосердия Твоего озарив в нощи скорбей сущих. Подаждь убо и нам, Всеблагая Дево, избавление от бед, исцеление недугов душевных и телесных, спасение и велию милость.

Кондак, глас 8

Ко иконе Твоей, Пресвятая Госпоже, бедствовавшии с верою притекше, заступлением Твоим избавишася от злых, но, яко Мати Христа Бога, и нас свободи от лютых обстояний, временных и вечных, да зовем Ти: радуйся, Избавительнице наша от всех бед.

Величание иконе Пресвятой Богородицы Избавительнице от бед

Величаем Тя, Пресвятая Дево, богоизбранная Отроковице, и чтим образ Твой святый, имже точиши исцеления всем с верою притекающим.