<

Православный акафист благоверному князю Даниилу Московскому, основоположнику рода Рюриков

Просмотров: 505

Князь Даниил, акафист которому содержит жизнеописание и восхваляет его, как миротворца, был младшим сыном Александра Невского. Политическая жизнь этого исторического периода московского княжества была такова, что даже самый благочестивый правитель не мог остаться в стороне от многочисленных распрей, а порой и кровопролитных междоусобиц, не стал исключением и князь Даниил. Будучи младшим братом в семье, ему пришлось побороться за право сесть на Новгородский престол, но и в этом споре он показал себя человеком, более склонным к миру, чем к войне. Русский православный текст акафиста св. Даниилу Московскому повествует, что при первой же встрече его войск с войсками брата Дмитрия он настоял на заключении мира, в результате чего удалось избежать кровопролития.

Православный акафист Даниилу Московскому помогает в случаях военной опасности

Говоря о благоверном князе Данииле, канонический акафист которому воспевает мудрость этого отпрыска великого русского полководца, нельзя не отметить его роль в вопросе объединения удельных княжеств. Долгое время историки размышляли над тем, почему это объединение произошло именно вокруг Москвы, а не другого города, обладавшего большими преимуществами с точки зрения военных и торговых перспектив. Итогом этих размышлений стало предположение, что именно миролюбие Данила, являвшееся гарантией относительного спокойствия, и стало залогом этой централизации.

Повествуя о князе, акафист Даниилу Московскому напоминает читателю, что еще при жизни ему было дано прозвище «Братолюбец», так как семейные ценности всегда стояли у него, в отличие от большинства других правителей, на первом месте.

Акафист святому Даниилу Московскому помогает решить квартирный вопрос

Дипломатия князя Даниила привела к тому, что к нему потянулись как знатные бояре, так и крестьяне из других княжеств. Автор акафиста Даниилу пишет, что причиной тому было неусыпное попечение правителя о своих подданных – как свидетельствуют летописи, каждый из них был наделен землей и занят делом, поскольку тунеядцев князь не любил. На склоне лет он построил монастырь, в котором принял монашеский постриг, и который позже был назван Даниловым. Читать православный текст акафиста Даниилу Московскому с ударениями обязательно следует в день его памяти, 17 марта.

Слушать на видео тропарь, кондак, величание и молитву Даниилу Московскому

Канонический текст акафиста Даниилу Московскому на русском языке

Кондак 1

 

Избранный чудотворче и предивный угодниче Христов, града Москвы и державы Российския крепкое ограждение, раздоров и нестроений искоренителю, благоверный княже Данииле, похвальная восписуем ти, к раце мощей твоих притекающе. Ты же, яко имеяй дерзновение ко Господу, от всяких нас бед свободи, зовущих: Радуйся, преподобне княже Данииле, Московский чудотворче.

 

Икос 1

 

Ангелов Творец и Господь дни великих бед и напастей, обышедших страну нашу от нечестиваго царства агарянскаго, восхотев людем страждущим утешение даровати, яви тя, княже Данииле, яко плод красен от чресл великаго князя Александра; людие же, о рождении твоем радости исполнившеся, взывах ти сицевая: Радуйся, корене благочестиваго прозябение; радуйся, добродетелей отца твоего и матере наследниче. Радуйся, рождением твоим люди града Владимира возвеселивый; радуйся, грядущую славу Москвы предвозвестивый. Радуйся, избранниче Божий; радуйся, правило веры благочестивыя. Радуйся, образе кротости духовныя; радуйся. Бога, яко истиннаго Отца нашего, издетска познавый. Радуйся, яко Иосиф, от братии твоея досаждения сладце претерпевый; радуйся, последи и братию свою в любовь себе призвавый. Радуйся, преподобне княже Данииле, Московский чудотворче.

 

Кондак 2

 

Видяще ближнии твои, блаженне, день от дне во благочестии тя возрастающа, и не точию млеком матерним, но паче благодатию Божиею питаема, радовахуся и, Господа о сем хваляще, взываху: Аллилуиа.

 

Икос 2

 

Разум богопросвещен имея уразумел еси, всехвальне, по словеси апостольскому, яко нужнейши всего есть благочестие, имже и потщался еси обогатити душу твою, в молитвах и научении словеси Божию всеусердно пребывая. Того ради людие ублажаху тя сице: Радуйся, молитвенниче теплейший; радуйся, послушниче Евангелия усерднейший. Радуйся, добродетели высокия в сердце твоем вкоренивый; радуйся, в заповедех Господних вся дни живота твоего ходивый. Радуйся, образом жития твоего мир посреди братии водворивый; радуйся Господа твоего паче всех возлюбивый. Радуйся, положити душу свою за други своя непрестанное желание имевый; радуйся, благодать Господню в сердце свое заключивый. Радуйся, и тело свое тою просветивый; радуйся, оное и по смерти нетленно сохранивый. Радуйся, преподобне княже Данииле, Московский чудотворче.

 

Кондак 3

 

Сила Вышняго укрепляше тя, блаженне, егда в кротости и в смирении души твоея возрастая, уготовлял еси себе на служение княжеское и о помощи небесней молился еси, взывая Богу: Аллилуиа.

 

Икос 3

 

Имея присно в души твоей глагол Господень, пророку реченный: «На кого воззрю, токмо на кроткаго и смиреннаго, и трепещущаго словес Моих», потщался еси, святе, оными добродетельми себя украсити. Того ради ублажаем тя сице: Радуйся, подвижниче доблий, на высоту добродетелей возшедый; радуйся, нищетою духовною Царствие Небесное стяжавый. Радуйся, кротости ради землю обетования наследивый; радуйся, правды и истины паче всего искавый. Радуйся, чистотою сердца твоего Господа созерцавый; радуйся, миротворец нарочит в житии своем явивыйся. Радуйся, изгнания правды ради смиренно претерпевый; радуйся, мзду вечную добродетельми стяжавый. Радуйся, чистоты душевныя и телесныя сокровище; радуйся, любве и кротости Христовы вместилище. Радуйся, преподобне княже Данииле, Московский чудотворче.

 

Кондак 4

 

Бурею агарянскаго нашествия людие российстии потрясаеми, на тя, всечестне, яко на избранника Божия, взираху и, под кров твой державный прибегающе, защищение и утешение приимаху, вкупе с тобою взывающе Богу: Аллилуиа.

 

Икос 4

 

Видяще, святе, братия твоя отрока тя еще мала суща, наследия отча лишити тя умыслиша и удел малейший, Московский, точию вдати ти изволиша; ты же, кроток сый и незлобив, ничтоже противовещал еси и за обидящих тя Господеви молился еси. Сего ради ублажаем тя сице: Радуйся, кротости Христовы подражателю; радуйся, предивный нестяжателю. Радуйся, удел твой малейший возвеличивый; радуйся, всего себе воле Божией предавый. Радуйся, от Него токмо Единаго помощи искавый; радуйся, богатство тленное презревый. Радуйся, сокровища духовная возлюбивый; радуйся, от юности в благодати у Бога и человек возраставый. Радуйся, яко и по скончании земнаго жития твоего тую же благодать сугубо восприявый; радуйся, яко и мы благодати Божия по молитвам твоим сподобляемся. Радуйся, преподобне княже Данииле, Московский чудотворче.

 

Кондак 5

 

Боготечней звезде подобяся, на земли течение твое светло совершил еси, благоверный княже Данииле, лучи святости и потоцы милости всем изливая; ихже ради и в сонме святых пребываеши, поя с ними: Аллилуиа.

 

Икос 5

 

Слышавше ближнии и дальнии, яко в малем еще граде Москве на высоте стола княжескаго возоблистал еси, преславне княже Данииле, под сень крилу твоею притекаху, похвалы таковыя ти приносяще: Ра-дуйся, княже благосердый, любовию своею вся покрываяй: радуйся, владыко прелюбивый, бедствующыя защищаяй. Радуйся, мудрость отца твоего, князя Александра, восприявый; радуйся, страны Московския утверждение. Радуйся, державы Российския украшение; радуйся, Церкве Христовы похвало высокая. Радуйся, людей российских упование благонадежное; радуйся, тобою бо во едино братство совокупляемся. Радуйся, яко твоим научением от распрей свобождаемся; радуйся, заповедей Божиих верный исполнителю. Радуйся, преподобне княже Данииле, Московский чудотворче.

 

Кондак 6

 

Проповедник Царствия Божия явился еси, благоверный княже Данииле: над людьми бо своими царствуя, слезу всяку от лица страждущих отымал еси, подвизая звати всех: Аллилуиа.

 

Икос 6

 

Возсиял еси, яко пресветлое солнце, на престоле Московстем, благоверный княже Данииле, величием души твоея и добродетельми всю землю Российскую озаряя и подвизая всех ублажати тя сице: Радуйся, мужу желаний духовных; радуйся, стяжателю даров небесных. Радуйся, милосердия сокровище неис-черпаемое; радуйся, кротости наставниче. Радуйся, заповедей евангельских делателю неленостный; радуйся, нищету вольную Христа ради возлюбивый. Радуйся, сиротам и вдовицам отче благосердный; радуйся, людем твоим помощниче богодарованный. Радуйся, в чине властителя кротость детскую проявивый; радуйся, душу твою в храм Божий добре претворивый. Радуйся, преподобне княже Данииле, Московский чудотворче.

 

Кондак 7

 

Хотяй Всевидец Господь прославити тя, блаженне, постави тя владыку преславна во смирении людем Своим, иже и взирающе на тя, и добродетелей твоих богатству чудящеся, пояху Ему: Аллилуиа.

 

Икос 7

 

Новаго и дивнаго устроителя земли Российския вемы тя, княже Данииле, кротостию бо, смиренномудрием, братолюбием и мудростию небесною княжение Московское возвеличил еси и сильно сотворил еси е. Сего ради приими от нас сицевая: Радуйся, мудрость Соломонову стяжавый; радуйся, кротость Давидову восприявый и тою враги твоя победивый. Радуйся, многия други себе стяжавый; радуйся, стольный град твой храмы Божиими украсивый. Радуйся, величию Москвы тем послуживый; радуйся, воине Христов неодоленный. Радуйся, от бед и скорбей всем скорое прибежище; радуйся, от всех зол твердое защищение. Радуйся, унывающим доброе вразумление; радуйся, всем братолюбцем присное ободрение. Радуйся, преподобне княже Данииле, Московский чудотворче.

 

Кондак 8

 

Странника и пришельца себе на земли быти помышляя, час кончины твоея пред очима твоима присно имел еси и сего ради обитель иноком во славу тезоименитаго ти преподобнаго Даниила возградил еси, идеже молитвы твоя Господеви возсылал еси, поя Ему: Аллилуиа.

 

Икос 8

 

Всего себе от юности Господу возложив, вся дни живота твоего, благоверный княже, Тому усердно работал еси и, ко блаженному успению достиг, в мире глубоце дух свой Ему предал еси. Людие же княжения твоего, окрест гроба твоего собравшееся, пояху ти сицевая: Радуйся, княже наш превожделенный, ко Господу отошедый; радуйся, нетленное тело твое нам оставивый. Радуйся, ароматы добродетелей твоих нам благоухаяй; радуйся, сиянием небеснаго света озаренный. Радуйся, обилием любве твоея вся удививый: радуйся, и врагом твоим благое упокоение у себе устроявый. Радуйся, крепость державы твоея тем созидавый; радуйся, наследником твоим присное научение. Радуйся, гроб твой, аки краеугольный камень, граду Москве положивый; радуйся, яко молитва твоя о людех и по смерти не оскудевает. Радуйся, преподобне княже Данииле, Московский чудотворче.

 

Кондак 9

 

Вси небеснии чини и святых собори радостно тя прияша, богомудре, подвиг земнаго течения своего добре совершивша и к вечному животу пресельшася, идеже с ними поеши: Аллилуиа.

 

Икос 9

 

Витий человеческих уста не возмогут изрещи пречуднаго прославления памяти твоея, угодниче Божий, егда бо гроба твоего место забвению предадеся, сам яве предстал еси юноше благочестивому, господина месту тому себе нарицая, и князя Иоанна обличая, и глаголя: «Чесо ради предал мя еси забвению? аще же и забвен аз тобою, не забы мя Господь». Мы же, явление Твое благоговейно почитающе, сице вопием: Радуйся, града нашего Москвы Богом данный покровителю; радуйся, обители твоея неусыпный хранителю. Радуйся, яко и по успении твоем нас не оставляеши; радуйся, яко милосердие Божие о гресех наших умоляеши. Радуйся, мзду трудов твоих восприявый; радуйся, небесною славою душу твою осиявый. Радуйся, наследников твоих добрый учителю; радуйся, к добродетели твердый тем наставниче. Радуйся, всем людем благий пред Богом предстателю; радуйся, молитвы их к Престолу Его возносяй. Радуйся, преподобне княже Данииле, Московский чудотворче.

 

Кондак 10

 

Спасти всем хотяй Господь вельможу некоего, гроб твой, святе, поправша, недугом порази, обаче согрешение свое познавша и прощение от тебе приемша помилова, да и мы вси, достойно почитающе тя, благодарно вопием: Аллилуиа.

 

Икос 10

 

Стену необоримую и забрало крепкое граду Москве и всей державе Российстей Господь дарова тя, блаженне, верным в скорбех и нуждах пребыстрое заступление, да зовем ти сице: Радуйся, призывающим тя во благое скорый помощниче; радуйся, чистоты душевныя и телесныя сокровище. Радуйся, душевных и телесных недугов целителю; радуйся, державы нашея утверждение. Радуйся, Церкве Российския украшение; радуйся, яко отец чадолюбивый, чада твоя назираяй. Радуйся яко воевода непобедимый пределы земли нашея ограждаяй; радуйся, небрегущия о святыне страхом вразумляяй. Радуйся, яко кающимся скорое прощение испрошаеши; радуйся, яко благим подвигом тех научаеши. Радуйся, преподобне княже Данииле, Московский чудотворче.

 

Кондак 11

 

Пение всеумиленное приими от нас, прехвальне, и молитвы, приносимыя тебе, не презри: к тебе бо в скорбех прибегаем и пред гробом твоим слезы проливаем, зовуще: Аллилуиа.

 

Икос 11

 

Светозарна светильника благодати яви тебе всех Творец, силою бо, данною ти свыше, юношу при гробе твоем от одра смерти возставил еси. Сего ради ублажаем тя сице: Радуйся, милостивый скорбящим помощниче; радуйся, сосуде, Святаго Духа исполненный. Радуйся, дарами Того обогащенный: радуйся, сими дарами и молящихся тебе обогащаяй. Радуйся, ко Святей Троице дерзновение велие стяжавый; радуйся, дерзновение сие на помощь людем направляяй. Радуйся, силу чудес от Бога приявый; радуйся, за грешныя Господа умоляяй. Радуйся, любве и кротости Христовы вместилище; радуйся, безпо-мощных скорый помощниче. Радуйся, преподобне княже Данииле, Московский чудотворче.

 

Кондак 12

 

Благодатию, данною ти свыше, недуги исцеляеши, враги и супостаты от нас отгоняеши, жизнь нашу умиряеши и душам нашим полезная подаеши, да благодарственно взываем Богу: Аллилуиа.

 

Икос 12

 

Поем честныя подвиги твоя, ублажаем чистое житие твое, восхваляем священную память твою, Данииле благоверне, и, прославляюще Господа всех, вопием ти сице: Радуйся, яко крест богоугоднаго жития до конца понесл еси; радуйся, яко о скорбех твоих Бога благодарил еси. Радуйся, всяку добродетель в себе изобразивый; радуйся, иго Христово возлюбивый. Радуйся, немощи немощных на себе носивый; радуйся, благоволение Божие людем твоим испроси- вый. Радуйся, присно на Небеси торжествуяй; радуйся, на земли преславно чудодействуяй. Радуйся, людем твоим помощниче богодарованный; радуйся, Ангелом собеседниче достойный. Радуйся, преподобне княже Данииле, Московский чудотворче.

 

Кондак 13

 

О преславный угодниче Христов и чудотворче, преподобне княже Данииле, отрадо и утешение всех с верою к тебе прибегающих! Приими от нас, недостойных, сие малое моление, с любовию тебе приносимое, и теплым ходатайством твоим ко Господу огради святую обитель твою, умири жизнь нашу и даруй нам покаяние совершенное, избави нас от бед и вечныя муки, да купно с тобою благодарственно вопием: Аллилуиа.

/Этот кондак читается три раза, затем икос 1 и кондак 1/
Обсудить на форуме

Нет комментариев

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>