<

Акафист архангелу Гавриилу: христианская молитва о защите

Просмотров: 1919

Текст акафиста архангелу Гавриилу наполнен не только восхвалением и благословением одного из известных людям представителя небесных сил бесплотных, но и горячей мольбой. Это неудивительно – с давних времен люди веруют, что именно ангелы и архангелы ближе всех предстоят перед престолом Божиим и передают Господу наши мольбы и просьбы.

Молитву святому архангелу читают не только люди, носящие его имя, а также их родственники – издавна к светлоликому вестнику Божиему принято было обращаться с искренней молитвой о даровании наследников, ведь, согласно учению православной церкви, святой архангел Гавриил – один из немногих святых, которому Богом дана благодать молить Его о чадородии.

Акафист архангелу Гавриилу помогает сохранить здоровье беременной и будущему ребенку

В чем же причина того, что именно акафист св архангелу Гавриилу помогает семьям, отчаявшимся родить ребенка? Что связывает младенцев и скорого Божьего вестника? К сожалению, большинство людей, которые берутся читать акафист архангелу, делают это автоматически, без понимания того, насколько сильное оружие они используют. Причина тому – в нехватке знаний, ведь многие из нас слышали о Гаврииле вскользь и очень мало что о нем знают. На самом деле имя архангела Гавриила упоминается в Библии намного чаще, чем имена других архангелов – из Священного Писания известно, что именно этот архангел исполняет самые неотложные поручения Господа. Примечательно, что два самых известных из них связаны с описанным в акафисте архангелу Гавриилу возвещением женщинам о том, что вскоре они забеременеют.

Читать молитву архангелу Гавриилу могут люди, профессия которых связана с распространением информации

Акафист архангелу Гавриилу гласит, что женами, которым он принес благую весть, были бабушка и Мать Иисуса Христа – праведная Анна и Дева Мария, причем, как известно из священной истории, Анна всю жизнь страдала бесплодием, и забеременела уже в достаточно пожилом возрасте. Пресвятая же Дева Мария, напротив, была очень юной, но с Ее зачатием связано еще большее чудо.

Читать и слушать акафист святому архангелу Гавриилу священнослужители благословляют в течение сорока дней, посещая при этом церковь, исповедуясь и причащаясь Святых Христовых Таин. Кроме того, Гавриил, как вестник Божий, считается покровителем всех, кто так или иначе связан с информационной деятельностью.

 Слушать на видео молитву архангелу Гавриилу

Читать текст молитвы архангелу Гавриилу о скором замужестве

О святый Архангеле Гаврииле! Всеусердно молим тя, настави нас, раб Божиих (имярек), к покаянию от злых дел и ко утверждению в вере нашей, укрепи и огради души наша от искушений прельстительных и умоли Создателя нашего о отпущении грехов наших. О святый великий Гаврииле Архангелe! He презри нас, грешных, молящихся тебе о помощи и заступлении твоем, в веце сем и в будущем, но присно помощник нам явися, да непрестанно славим Отца и Сына и Святаго Духа державу и твое предстательство во веки веков.

Православная молитва архангелу Гавриилу на зачатие детей

Святый великий Архангеле Гаврииле! Божию Престолу предстояй и озарением oт Божественнаго света oсиянный, ведением же непостижимых таин o превечней премудрости Его просвещенный! Всеусердно молю тя, настави мя к покаянию oт злых дел и ко утверждению в вере моей, укрепи и огради душу мою oт искушений прельстительных, и умоли Создателя нашего o отпущении грехов моих.

O, святый великий Гаврииле Архангеле! Не презри мене грешнаго, молящагося тебе o помощи и заступлении твоем в веце сем и в будущем, но присно помощник мне явися, да непрестанно славлю Отца и Сына и Святаго Духа державу и твое предстательство во веки веков. Аминь.

Защитная молитва архангелу Гавриилу

O, святый Архангеле Божий Гаврииле, присно предстояй Престолу Всевышняго, прерадостный благовестниче и усердный споспешниче нашего спасения! С свойственным тебе милосердием приими сие хвалебное пение, oт нас недостойных тебе приносимое. Исправи молитвы наша, и приноси я, яко фимиам, на Небесный Oлтарь кадильный; oзари умы наша светом познания таин спасительныя веры нашея; воспламени сердца наша любовию ко Христу Спасителю нашему, обрати и укрепи желания наша на спасительный путь Евангельских Его заповедей; да в сем веце тихо и благочестно поживем во славу Божию, в будущем же не лишимся вечнаго Царствия Божия, еже получити да сподобимся благодатию Христа Бога нашего, ходатайством Пречистыя Его Матере, Пренепорочныя Девы Марии и твоими многомощными ко Господу Богу o нас молитвами, и да прославим с тобою и прочими безплотными силами небесными и всеми святыми Единаго во Троице славимаго Бога, Отца и Сына и Святаго Духа во веки веков. Аминь. 

Христианский текст акафиста архангелу Гавриилу

Кондак 1.

Избранный Богом от всех Небесных Сил послужити предвечной тайне спасения рода человеческаго, дивный предстоятелю престолу Святыя Троицы, носителю тайн и чудес Божиих, Архангеле Гаврииле, к тебе припадаем и умиленно воспеваем ти: Радуйся, Гаврииле, тайнозрителю Святыя Троицы.

Икос 1.

Ангелов Творец и всяческих избра тя, тайновидче Гаврииле, в пречудном Совете Святыя Троицы, да послужиши тайне Боговоплощения, и повеле быти тебе носителем силы и чудес Божиих. Сего ради вопием ти сице:

Радуйся, Гаврииле, избранный Творцом служителю.

Радуйся, Гаврииле, Промышления Божия носителю.

Радуйся, яко тобою хвалятся Силы Небесныя.

Радуйся, яко тебе славят сердца земнородных.

Радуйся, верно послуживый Престолу Святыя Троицы.

Радуйся, со други своими сокрушивый и изринувый денницу.

Радуйся, обличивый заблуждения того.

Радуйся, из первых песнь Трисвятую воспевый.

Радуйся, Гаврииле, тайнозрителю Святыя Троицы.

Кондак 2.

Видя Творец тя усерднаго и вернаго служителя Своего, возлюби тя и вознесе пред Ангельскими чинами, и укрепленный благодатию Его в своих велицех доблестех, ты воспеваеши с лики Ангельскими усердно Богу: Аллилуиа.

Икос 2.

Разумом смиренномудренно преклоньшеся пред тайною непостижимою единосущности Святыя Троицы, ты благодатных откровений приял еси неистощимый источник благоговейнаго трепета, любви к Творцу, и радости исполненный сияеши, Архангеле, пред Престолом Всевышняго, яко светильник пламенный. О сем благоговейно воспевати дерзаем:

Радуйся, лампадо неугасимая седмисвещника великаго.

Радуйся, звездо светозарная небосвода духовнаго.

Радуйся, первоприемниче Божественных сияний.

Радуйся, сокровище Божественных велений.

Радуйся, кладезь смирения неисчерпаемый.

Радуйся, реко, послушания исполненная.

Радуйся, яко ты у Престола выну пребываеши.

Радуйся, яко ты велие дерзновение к Богу имаши.

Радуйся, Гаврииле, тайнозрителю Святыя Троицы.

Кондак 3.

Силы Небесныя радуются о тебе, Архангеле, и защищенныя некогда от зловредных заблуждений денницы, в гордости возставшаго против Творца своего, с веселием взывают непрестанно Богу: Аллилуиа.

Икос 3.

Имуще велие дерзновение ко Святей Троице, велию благодать приемлеши от Бога непрестанно, и яко луч Божественнаго Трисиятельнаго Солнца, повсюду разливаеши свет велений Божиих, да славится спасительное имя Божие сердцами земнородных, тебе поющих:

Радуйся, Небесных Сил Начальниче.

Радуйся, Правды вечныя поборниче.

Радуйся, твоя крепкая преданность Богу чины Ангельские укрепи.

Радуйся, чрез тебе Господня благодать их сугубо просвети.

Радуйся, и земле ты благодать от Бога приносиши.

Радуйся, ты огнь небесный в сердца человеков низводиши.

Радуйся, Гаврииле, тайнозрителю Святыя Троицы.

Кондак 4.

Буря злочестивых замыслов врага Божия разбия о скалу верности слуг Господних, и победивши своим смирением гордыню того, воспели Богу: Аллилуиа.

Икос 4.

Слыша Господь исповедования тобою великаго Имени Его, Архангеле, исполнися благоволения, и озарив тя Своею благодатию, вся просвети воспети ти:

Радуйся, адаманте небесный.

Радуйся, столпе Церкви Вселенский.

Радуйся, рая Господня хранителю.

Радуйся, цвете благочестия.

Радуйся, лучу престола Божия.

Радуйся, украшение порфиры Царехриста.

Радуйся, знаменосче Божий.

Радуйся, украшение военачальничей Небесных Сил.

Радуйся, Гаврииле, тайнозрителю Святыя Троицы.

Кондак 5.

Боготочною звездою тек от высот надзвездных, Гаврииле, да возвестиши земным радость близкаго спасения, предстал еси праведным Иоакиму и Анне и провещал еси им милость Божию, и радуяся с ними купно, воспел Богу: Аллилуиа.

Икос 5.

Видевши тя единовременно родители Богоотроковицы, сущии в странах различных, сшедшихся у дверей храма по твоему глаголу, дивишася и в радости взываху ти:

Радуйся, служителю Святыя Троицы.

Радуйся, дивный благовестниче.

Радуйся, Божий избранниче.

Радуйся, Господней воли провозвестниче.

Радуйся, яко тобою радость людям приносится.

Радуйся, яко тебе хвала во славу Божию земнородными поется.

Радуйся, планов Творческих исполнителю.

Радуйся щедрот Божиих раздаятелю.

Радуйся, Гаврииле, тайнозрителю Святыя Троицы.

Кондак 6.

Проповедником Божия милосердия ты, Гаврииле, явился Захарии, вещая ему Божественныя глаголы и научая его пети Богу: Аллилуиа.

Икос 6.

Возсияв благодатию Божиею пред очима Захарии, ужаснил еси его, и властию ти Богом данною смирил еси его, да не дерзнет сомнением умалить силу Божию. И умудренный свыше Захария безмолвным умным гласом воспел ти таковая:

Радуйся, достоинств Божиих хранителю.

Радуйся, великий в лике Ангельском.

Радуйся, прекрасное творение Творца.

Радуйся, тайн сокровенных миру откровение.

Радуйся, великих обетов Божиих совершение.

Радуйся, правды Божией исполненный.

Радуйся, благодатию Божией осиянный.

Радуйся, Гаврииле, тайнозрителю Святыя Троицы.

Кондак 7.

Хотящу Богу воплотитися и на земли явитися человеком, предстал еси, служителю, провозвестником ко избранней от века Деве и открыл еси Ей волю создавшего Ю, воспевая Богу: Аллилуиа.

Икос 7.

Новую и непостижимую тайну Боговоплощения открыл еси Богоотроковице, Гаврииле славне, не постигая и сам сей великой тайны, дивяся безпредельной любви и милосердию Божию к людям. О сем и мы, земнороднии, со страхом и радостию дивимся и вопием ти сице:

Радуйся, Совета предвечнаго служителю.

Радуйся, к Богоневесте Богом ниспосланный.

Радуйся, Пречистыя Девы небесный хранителю.

Радуйся, Матери Божией дивный служителю.

Радуйся, Божественной Отроковицы учителю.

Радуйся, Ея хлебом небесным питателю.

Радуйся, во Святая Святых с Нею глаголавый.

Радуйся, глубины Божия Промысла Ей открывый.

Радуйся, Гаврииле, тайнозрителю Святыя Троицы.

Кондак 8.

Странно человеком зрети лик Ангельский, странно и глаголы небесныя слышати, но умудренная Божественною мудростию Приснодева, не устрашилась зрака твоего и вознесла к Творцу и Богу песнь: Аллилуиа.

Икос 8.

Весь бе в нижних, узрел еси Богоотроковицу высшую чинов Ангельских, Гаврииле, и трепеща открыл еси Ей волю Владыки, и ужасаясь тайне Боговоплощения, исполнися благоговения к Богоизбранной Деве. Видяще великое твое служение Престолу и зряще неизглаголанное смирение твое пред Девою, поем ти сице:

Радуйся, первоприемниче сияний Тройческих

Радуйся, сияниями теми осиянный.

Радуйся, благодати исполненный.

Радуйся, Приснодеве Благодать принесший.

Радуйся, в лике Ангелов высших

Радуйся, пред Девою Марией колена склонивший.

Радуйся, избранней радость возвестивший.

Радуйся, и сам сей радости возрадовавшийся.

Радуйся, Гаврииле, тайнозрителю Святыя Троицы.

Кондак 9.

Всякий чин Ангельский превосходя, ты пред Божественною земнородною Богоотроковицею смиренно предстоиши, взывая радостию Творцу Богу: Аллилуиа.

Икос 9.

Витийства многовещанныя всех витий человеческих ничто суть пред безгласною ветвью райскою, тобою принесенною, егда воспел еси Святую Деву, благовествуя Ей избрание Ея быти Богоматерию и паки возвещая спасительное успение Ея. Твоей великой мудрости удивишася земля и возопи:

Радуйся, смирения учителю.

Радуйся, великих тайн Боготворческих зрителю.

Радуйся, ветвью чистоту Матередевства Пречистыя знаменавый.

Радуйся, благоуханием крина райскаго благоухание души чистейшия показавый.

Радуйся, неувяданием Цвета небеснаго неувядаемость жизни Богоматери предвещавый.

Радуйся, смиренной ветвью смирение ветви царственной восхваливый.

Радуйся, красотою Цвета небеснаго духовную красоту Приснодевы воспевый.

Радуйся, всю славу Девы Марии сим изобразивый.

Радуйся, Гаврииле, тайнозрителю Святыя Троицы.

Кондак 10.

Спасение душ человеческих предвозвещая, Архангеле Божий, научил еси нас воспеватн Богу: Аллилуиа.

Икос 10.

Стена греховная между небом и землею не заградила путь тебе, Архангеле, но яко дым и мрак рассеялась пред святостию твоею и ты предстал еси Пречистей Деве благовестником небесным в Назарете, вещая: «Радуйся», — принесл еси Ей, сим радость Воскресения Христова возвещая, и ради радости возвещенной тобою Деве, и чрез Деву миру, мир принести тебе дерзает:

Радуйся, радости миру вещание.

Радуйся, Божиих даров раздаяние.

Радуйся, Гаврииле, светильниче светозарный.

Радуйся, друг и сослужитель великаго Архистратига Михаила.

Радуйся, звездо, явление солнца Христа возвестивый.

Радуйся, многажды Божественней Матери Его послуживый.

Радуйся, великих обетований Божиих совершителю.

Радуйся, яко ты при гробе: «Воскресе Христос, несть зде», — мироносицам возвести.

Радуйся, Гаврииле, тайнозрителю Святыя Троицы.

Кондак 11.

Песнь ликов Ангельских принесл еси земле ты, Архангеле, и вещати благоговейное «Достойно» Афонския горы инока научил еси, и наученные тобою чрез того людие благодарно о сем воспеша Богу: Аллилуиа.

Икос 11.

Светозарный лик свой сокрыл еси ты, Гаврииле, облекшися одеждою иноческою, дабы не ужаснулся смертный боголепнаго зрака твоего, но умудрился бы постигнути и уяснити себе песнопение небесное, и да не мнится прелестию лукаваго иноку смиренному явление чиноначальника Сил Вышних быти, удостоверить истину явления твоего возжелал еси. Сего ради, камень велий вземше, на нем перстом безплотным, яко по воску, начертал еси Небесное: «Достойно», увидев чудо сие велие, вси иноцы Афонския горы воспеша ти согласно:

Радуйся, Божий служителю.

Радуйся, Божественный Архангеле.

Радуйся, благовестниче предивный.

Радуйся, Богоотроковицы хранителю.

Радуйся, земнородных песне Небесней научивый.

Радуйся, сам прежде песнь сию дивную пред иноком воспевый.

Радуйся, Божественныя слова чудно на камени начертавый.

Радуйся, сей камень в залог истиннаго знамения твоего горе Афонстей давый.

Радуйся, Гаврииле, тайнозрителю Святыя Троицы.

Кондак 12.

Благодатныя твоя явления воспоминая, благодарение приносим Творцу и Богу, спасающему род человеческий, и поем Богу усердно: Аллилуиа.

Икос 12.

Поюще все нам ведомые, Гаврииле, доблести твоя, неведомые же чаем за предстательство твое о нас уведети в Небесном Царствии. Ныне же по силе нашей дерзаем ти воспети:

Радуйся, Совета превечнаго Святыя Троицы предначертания приявший.

Радуйся, домостроительства Божия все планы охранявший.

Радуйся, охранением оных Творцу служивший.

Радуйся, миру спасение возвестивший.

Радуйся, Матери Божией хранителю.

Радуйся, Церкви Христовой блюстителю.

Радуйся, и Втораго пришествия Христова на землю возвестителю.

Радуйся, яко ты предъидеши Силам Небесным с великим трубным гласом в день Страшнлго Суда Божия.

Радуйся, Гаврииле, тайнозрителю Святыя Троицы.

Кондак 13.

О дивный тайновидче и преславный Архангеле, велико дерзновение твое перед Господом и сильна молитва твоя. Припадаем к тебе и молим, Гаврииле пречудне, приими нас немощных под кров крил твоих и защити от козней врагов видимых и невидимых. Помяни нас недостойных в твоем предстательстве пред Престолом Всевышняго, да воспоем Ему по неизреченному милосердию Его в Царстве Славы с ликом Ангелов и всеми святыми: Аллилуиа.

/Этот Кондак читается три раза, затем читается икос 1-й и кондак 1-й/

 Слушать на видео о молитве архангелу Гавриилу

Обсудить на форуме

Нет комментариев

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>